THERE IS SOMEONE ON EARTH

PROGRAMI HENRI TOMASI CHANT CORSES LAMENTU D'U TRENU U MERU PASTORE HENRI TOMASI MÉLODIES POPULAIRES CORSES Ninina Zilimbrina LUCIANO BERIO QUATTRO CANZONI POPOLARI Dolce cominciamento La Donna ideale Ballo ERMANNO WOLF-FERRARI CANZONIERE OP.17 Preghiera 'Quando a letto Vado di notte Preghiera 'Spirito santo MAURICE RAVEL 5 MÉLODIES POPULAIRES GRECQUES Chanson de la Mariée Là-bas vers l'église Quel galant m'est comparable Chanson des cueilleuses de lentisques Tout gai ! BENJAMIN BRITTEN FOLKSONGS Il est quelqu'un sur terre Quand j'étais chez mon père JEAN-LUC FAFCHAMPS Les amours de Madame Tchabaï Le cœur dans un bocal Belle abandonnée Madame rêve Fuir le bonheur Toutes les choses Immortels -------------- ALBANE CARRÈRE, mexosoprano E lavdëruar për "zërin e saj kamaleon" (France Musique, shkurt 2023), mezzosopranoja franceze Albane Carrère është po aq e suksesshme në prodhime të mëdha operash sa edhe në projekte muzikore kameral. E lindur në Vjenë, Austri, ajo studioi sociologji në ULB përpara se të fokusonte në këndim në Konservatorin Mbretëror të Muzikës në Bruksel. Ajo ka shfaqur rregullisht si soliste në festivale të ndryshme evropiane dhe në skenat e operave në Francë, Belgjikë dhe Itali, duke interpretuar një repertor që shkon nga Baroku në veprat bashkëkohore. Carrère ka marrë pjesë në disa emisione muzikore në televizion në Francë dhe ka pasur shumë koncerte të regjistruara nga BBC, France Musique, Radio Classique, Musiq3 dhe Arte Concerts. Së fundmi, ajo ka interpretuar Cherubino-n në Théâtredes Champs-Elysées në Paris, Carmen në Teatro Bellini di Catania, dhe ka pasur rolin kryesor si "Gruaja" në premierën botërore të Is this the End? nga Jean-Luc Fafchamps në Théâtred Royal de la Monnaie në Bruksel. Ajo gjithashtu ka interpretuar Idamante-n në Idomeneo të Mozartit në Opéra Grand Avignon. Ndër diskët e saj, Still Schubert, i regjistruar me Kuartetin Alfama, fitoi 'Octaves de la musique classique 2020', ndërsa disku i saj më i fundit Il est quelqu'un sur terre u rendit numri një në përzgjedhjen e kritikës muzikore Pierre Gervasoni për vitin (Le Monde, 2022). Disku i saj më i fundit, Karl Weigl me Mark Rothko Ensemble, fitoi 5 Diapasons dhe u zgjodh si disku i muajit nga France Musique dhe Le Monde në prill 2024. Sezoni i kaluar, ajo u shfaq në L'Enfant et les sortilèges të Ravelit në Operën e Avignonit, në Madama Butterfly në Festivalin e Aix-en-Provence, dhe në shumë projekte të ndryshme, si Le Miroir de Jesus i Caplet me Orkestrën e Normandisë, koncerte me trio me violoncello dhe akordeon, me gitarë dhe violinë, disa recitalet me piano, dhe një tur në Belgjikë me programin e saj Il est quelqu’un sur terre. Në këtë sezon, ajo do të këndojë, mes të tjerash, Carmen në Kinë me muzikantët e Operës së Bastille në Paris, dhe Zerlina-n në Operën e Catania-s në Itali. ANDI DURAKU, piano Andi Duraku ka lindur në Gjakovë, ku dhe filloi mësimet për piano në shkollën e muzikës “Prenk Jakova” në Gjakovë, në klasën e prof. Besim Qorri. Studimet Bachelor dhe Master i kreu në Universitetin e Prishtinës në klasën e prof. Lejla Pula. Duraku është fitues i çmimeve në konkurse të shumta, ndër to: çmimi Grand Prix në konkursin Pianisti i Ri (2012); çmimi absolut dhe Grand Prix në garën Ars Kosova (2017); çmimi në audicionin e Berlinit- një koncert në sallën e Filharmonisë së Berlinit si solist (2016), çmimi special në festivalin Chopin Piano Fest, ku fitoi mundësinë të performojë një recital në Bon të Gjermanisë; çmimi i dytë ne konkursin muzikor Barleta, Itali, çmimet talenti muzikor, Virtuozitetit si dhe me një numër të madh paraqitjesh në skenën Kosovare e më gjerë ndër to, performanca e koncertit për piano e J.S.Bach në përcjelljen e orkestrës së festivalit Kamerferst (2017), dy performanca me orkestrën e Maqedonisë së Veriut si solist (2022), si dhe disa koncerte ku performoi si solist me ansamblin e Gjakovës. Së fundi është prezantuar me nje recital ne Cziffra festival në Budapest. Si dhe në kuadër të koncertit të përbashkët të fituesve të çmimit special ne Berlin. Duraku ka performuar në: Gjermani, Zvicër, Francë, Turqi, Shqipëri, Maqedoninë e Veriut, Hungari dhe Itali. Ka mbajtur masterklasa me: Dmitry Bashkirov, Eldar Nebolsin, Giovanni Belluci, Jerome Granjon, Istvan Lajko, Christopher Hinterhuber, Stephan Möller, Janosz Ballasz etj. Aktualisht është mësimdhënës në shkollën e muzikës “Prenk Jakova” në Gjakovë, si dhe vazhdimisht bashkëpunon me Korin e Filharmonisë së Kosovës. DONJETA CËRMJANI, violonçelo E lindur më 18 tetor 1999 në Gjakovë. Ajo kreu shkollën fillore dhe të mesme të muzikës në shkollën "Prenk Jakova" në Gjakovë, duke u specializuar në violoncello. Diplomoi me një Bachelor nga Universiteti i Arteve në Prishtinë dhe tani vazhdon studimet e masterit në klasën e profesor Antonio Gashi. Gjatë rrugëtimit të saj muzikor deri më tani, ka qenë pjesë e shumë orkestrave brenda dhe jashtë vendit. Ka luajtur në vende si Franca, Italia, Zvicra, Finlanda, Bullgaria, Shqipëria dhe Maqedonia. Ka marrë pjesë në disa akademi verore, si Esma, Shodra Jazz Festival, Festival Della Musica Giovane Del Mediterrano, Orkestra e të Rinjve të Kosovës, Orkestra Pirolo, si dhe në Chopin Piano Fest, festivalin DAM etj. Ajo ka qenë pjesë e disa masterklasave me violoncellistë të njohur botërorë si: Joanna Sachryn, Karel Brendenhorst, Lucas Raaflaub, Gunta Abele, Bernardo Brizani, Cecilia Rubio Zamora, Miguel Gonzalez, Mateusz Kaminski dhe Bledar Zajmi. Donjeta është anëtare aktive e Operës së Kosovës dhe pjesëtare e kuartetit harkor aktiv “Amati”, ku kanë performuar në disa festivale, përfshirë edhe në Paris. Ajo është gjithashtu pjesë e disa orkestrave kamerale, disa prej të cilave janë Orkestra Kontemporane (Ensemble XXI), Kosovo Tanguero Quintet, etj.